1. desember startar Ti på Topp Vinter. Telesport Bergen oppfordrar alle til deltaking også i år. Bruk turforslaga til inspirasjon og motivasjon for å kome deg ut i naturen også i den mørke årstida. Det gir nytt overskudd og er bra for både fysisk og psykisk helse! Les meir om påmelding under.

Det er heller ikkje lenge sidan Ti på Topp 2025 vart avslutta. Dei som besøkte minst 10 turmål har alt fått deltakarpremiar, og det ventar meir premiering for dei som var med på dette fra mai til oktober.

Premieutdeling etter Ti på Topp 2025

Ti-på-Topp-sesongen var som vanleg fra 1. mai til 31. oktober. I løpet av dette halvåret gjekk vi totalt ca 700 turar og ca 3500km i Bergen kommune. Litt færre deltakarar og litt kortare enn i fjor, men så hadde vi dette året heller ikkje konkurransen for Askøy og Øygarden som har gitt mange km dei siste åra. Likevel hadde vi i snitt fleire turar i år pr deltakar enn i fjor. Ein flott innsats og heilt sikkert mange fine naturopplevelsar og treningsturar for dei 28 deltakarane!

I bedriftkonkurransen kapra vi ein 5-plass. Det er eit hakk bedre enn i fjor, og viser at vi har mange som har vore aktive.

5-plass i bedriftskonkurransen der ein i år måtte ha 18 turar i snitt blant alle deltakarane for å kome på topp-10 lista.

Heile 19 av deltakarane våre besøkte minst 10 ulike turmål og er dermed kvalifisert til deltakarpremie fra Vestland Bedriftsidrettskrets. I år var det ein flott kopp fra Bedriftsidretten. For dei som enda ikkje har fått denne, så er den tilgjengeleg på Kokstad. Av desse 19 var det så mange som 11 som hadde besøkt alle dei 18 turmåla i Bergen. Etter tradisjonen kan alle desse vente seg ein ekstra premie fra Telesport for denne flotte innsatsen. Vi ønsker også at alle andre som har gjort ein innsats gjennom sesongen skal kunne vinne premiar, og det blir derfor ei trekning av premiar der kvar einaste tur teller med og gir eit lodd i trekninga. Trekning og premieutdeling er planlagt ifm kick-off for ny Telenor Games sesong i januar. Hugs å melde deg på Telenor Games om du ikkje alt har gjort det.

Den ivrigaste gjengen som har besøkt alle 18 turmåla i 2025

Påmelding Ti på Topp Vinter 2025/26

Vestland Bedriftsidrettskrets arrangerer Ti På Topp Vinter Bergen fra 1. desember, og Telesport oppfordrar også i år alle medlemmer som har lyst til å delta. Det er viktig å kome seg ut i den mørke tida, både for å få mosjon, frisk luft og kanskje eit glimt av daglys.

Du melder deg på i Ti på Topp appen. Hugs å velge bedrift "Telesport Bergen" når du melder deg på. Dersom du treng guiding for riktig registrering i appen kan du sjå på oppskrifta med skjermbilder fra eit tidlegare år her: Ti på Topp Vinter 2023/24. Når du kjem til "Velg pris" må du denne gangen velge "Voksen" og betale kr 200. Hugs at du får refundert denne kostnaden etter dei vanlege reglane for startkontingent i konkurransar.

Du kan lese meir om opplegget her: Ti på Topp Vinter. Det kan også vere lurt å følge Ti på Topp på Instagram og Facebook. 

Livarden er eit av dei meir utfordrande turmåla - enten ein går til fots eller på ski...

Ein kveldstur langs Løvstien er kanskje eit meir realistisk turmål ein vanleg vinterdag.

Med Ti På Topp appen får du tips til ca 15 turmål i Bergen og god guiding på korleis du kjem deg dit. Det er også eit poengsystem der ein kan vinne premiar. I motsetning til sommarkonkurransen er det ikkje nødvendig å besøke mange turmål for å kunne vinne premiar. Alle som har 15 poeng er med i trekninga. I tillegg vil vi også denne gangen ha internpremiering i Telesport som ein ekstra motivasjon. Her kan alle vinne, men dess fleire poeng du har, dess større blir vinnarsjansane.

Ti På Topp Vinter har stort sett enkle turmål som ein kan rekke i det korte dagslyset eller som er enkle å gå med hodelykt. Nokre er til og med opplyst av lysløyper. Ein finn også lengre turar for dei som ønsker det. Sjølv om ikkje alle turane er så lange, er det viktigaste å kome seg litt ut også på vinteren. Det er bra for helsa og gir nytt overskudd. Vi håper mange lar seg inspirere til å kome seg ut på tur. Ta gjerne med familien eller ein kollega!

Ta kontakt med Helge Ytre-Hauge eller andre i styret om du har spørsmål om opplegget.

Legg gjerne ut bilder og tips fra turane til inspirasjon for oss andre!

Telenor Games 2024-25 vart avslutta med finale og premieutdeling fredag 24. oktober. Som dei foregåande åra var Rebusløp ein del av finalen. Nytt i år var at det også var lagt inn ein ekstra øvelse, Tipp Vekten, som ein del av finalen. Det gjorde at det var 12 ekstra poeng å kjempe om denne siste kvelden. Totalt kunne ein  dermed score heile 32 poeng, noko som betydde at alle laga hadde ein teoretisk mulegheit til å gå til topps. Det viste seg likevel at B-laget igjen gjekk til topps. Til tross for kun 2 poengs forsprang etter 4 øvelsar, vart det med solid innsats siste kvelden ein nokså komfortabel seier, og B-laget kunne igjen heve den gjeve vandrepokalen.

Topp-3 laga i årets Telenor Games sesong. Representantar for B-laget med pokalen til høgre, Team Top Floor (nr 2) og Signaling Storm (nr 3, fortsatt med gullmedaljane fra rebusløpet)

Ei viss spenning var det likevel undervegs da Signalling Storm stilte med nesten fullt lag og sterk innsats i Rebusløpet. Og i Tipp Vekten konkurransen der oppgava var å tippe vekta på eit stort glass fylt med godteri hadde alle like sjansar til å vinne. I denne konkurransen vart det til slutt Aksessalliansen som gjekk til topps. Men også B-laget gjorde det sterkt og sikra dermed samanlagtseieren med god margin.

Med eit avvik på kun 55 gram sikra Aksessalliansen, her ved Geir og Anja, både full poengpott og eit glas fullt av snop.

Litt avvik fra fasiten på 1734 gram for enkelte av laga, men imponerande av Aksessalliansen som kun bomma med 55 gram.

Dette er fjerde år på rad at B-laget vinner pokalen, og spørsmålet alle dei andre laga stiller seg er korleis dei kan klare å stoppe B-laget? Trøsten får vere at det er fine premiar også til nr 2 og 3. Og ikkje minst får eit tilfeldig lag blant dei andre ein like fin premie som vinnarlaget. Ein liten vri på den siste trekninga i år var at antall lodd i trekninga vart vekta med deltakarpoenga ein har samla gjennom sesongen. Dermed fekk dei som har stilt opp jamt og trutt gjennom sesongen ein ekstra sjanse til å vinne. I år var det KonKameratene som vant denne trekninga. Vinnarlaga kan glede seg over gavekort på Lucky Bowl der laga f.eks. samlast for å lade opp til neste sesong.

Oppsummering etter alle øvelsane i Telenor Games 2024-25.Når vi ser på resultata gjennom sesongen, er det ikkje overraskande at B-laget går til topp. Dei scorer jamnt over bra og har sjeldan svake resultat, og har dessutan bra oppmøte som gir mange deltakarpeong. Men det er likevel gledeleg å sjå at mange lag har gått til topps i dei ulike øvelsane gjennom sesongen. Både Aksessalliansen, Signalling Storm og Lag X har vore heilt i toppen i løpet av sesongen.

Årets feiring og premieutdeling skjedde på Peppes Pizza i Bergen sentrum der laga kunne varme seg etter rebusløpet og kose seg med mat og drikke utover kvelden. Med det håper vi alle laga er fornøgd med årets sesong og klare til å bli med også neste sesong!

Ny sesong er planlagt å starte tidleg i 2026. Styret håper at alle blir med vidare, og at vi også klarer å rekruttere nokre nye til å bli med på Telenor Games. Planen er også at fleire av laga skal bidra til å planlegge og gjennomføre nokre av øvelsane i 2026.

Rebusløp eller rebusvandring, dvs ein kombinasjonen av rebusoppgaver og byvandring, har blitt ein tradisjon og har dei siste åra inngått som ein av øvelsane i Telenor Games. Fredag 24. oktober var det igjen klart for rebusløp og deltakarane vart delt inn i 5 lag med inntil 6 deltakarar. Ei spesiell utfordring i år er at arrangementet er lagt så seint på året som slutten av oktober, og ikkje i juni eller august som det har vore tidlegare. Komiteen hadde tenkt gjennom dette og sørga for at alle fekk utdelt Telenor-refleksar ved start (litt click-bait i overskrifta, kanskje...), og at ein varmt lokale venta deltakarane i mål.

Det nærmar seg start og dei fleste er på plass ved Den Blå Steinen. Dei fleste også forberedt på litt regn og haust-temperaturar. Med nye Telenor-refleksar er alle også forberedt på litt mørke utover kvelden.

I det litt sure veret gjekk det ikkje lang tid før laga fant seg ein innandørs serveringsstad som base for løysing av rebusoppgaver. Dei erfarne deltakarane veit at det lønner seg å løyste flest muleg oppgaver før ein begynner å gå rundt i byen for å finne svar på spørsmåla som følger med rebusane. Kartet og kartavgrensinga i oppgava er også til god hjelp!

Dei to første av dei 20 oppgaven viste seg relativt enkle, og alle laga tok turen til Smørsbroen og Telegrafen. Komiteen hadde nok bevisst spart dei vanskelegaste nøttene til etter oppvarminga.

Komiteen hadde i år begrensa området for løysingar til området fra Festplassen og mot Nordnes.

Mens laga var ute i byen og løyste oppgaver jobba komiteen med å få målområdet klart. Arrangørkomiteen hadde i år fått booka eit eige rom hos Peppes Pizza på Ole Bulls Plass. Dermed fekk vi start og mål på same plass, og vi hadde lett tilgang på mat og drikke samtidig som vi kunne gå gjennom oppgaver og dele ut premiar utan å bli forstyrra av andre gjestar.

Når klokka nærma seg 20 begynte laga å finne fram til mål. Som i fjor vart det poengtrekk for kvart 5 minutt forseinka innlevering, og det bidrog nok til at dei fleste laga var på plass i tide. Kanskje litt saman med det litt sure veret? Dei som klarte å løyse alle 20 rebusoppgavene måtte finne ein måte å kome seg rundt til alle måla avmerka i figuren under. Ein må rekne med å gå 4 km for å besøke alle måla, og kanskje meir om ein virrer litt rundt. Så litt fysisk aktivitet blir det sjølv om det ikkje er hovudformålet.

Her er komiteen sitt estimat på optimal løypelengde. Totalt 3.85 km og 62 meter stigning høyres ikkje avskrekkande ut, men i praksis blir det nok litt ekstra for alle.

Etterkvart som svara var levert gjekk komiteen i gang med retting av svara, og det vart også ein gjennomgang av fasit, mens vi venta på matserveringa. Som vanleg vart det diskusjonar om nokre av oppgavene, men juryen vart i år godt forberedt med bildebevis og dokumentasjon av løysingar. Med 20 oppgaver kunne ein i teorien oppnå 40 poeng. Komiteen hadde forsøkt å lage oppgaver slik at dei flieste skulle klare å løyse nokså mange oppgaver samtidig som det skulle vere muleg å skille laga. Det viste seg at vart ganske bra treff, og poengsummane varierte til slutt fra 26 til 33 når også straffepoeng var tatt med. Som nemnt vart det delt inn i 5 lag. Sidan rebusløpet også inngår i Telenor Games vart inndelinga i hovudsak gjort etter Telenor Games, men sidan nokre av laga hadde litt få deltakarar var det nokre lag som vart slått saman i rebusløpet. Likevel vart det gjort på ein slik måte at det fortsatt var ein open kamp i Telenor Games samandraget. Av same grunn er det 8 lag i resultatlista, men resultatpoenga blir utdelt som om det var 5 lag i konkurransen. 

Under ser vi resultata, og det var altså endeleg Signalling Storm som gjekk heilt til topps etter fleire år utanfor pallen. Men i år vant dei med ganske klar margin til B-laget og Kon-KAMeratene som delte andreplassen. Dermed vart det medaljar til Signalling Storm og dei tok med seg full score fra denne øvelsen inn i Telenor Games samandraget. Gratulerer!

Signaling Storm - vinnarlaget i årets Rebusløp. Velfortent medalje til heile laget som denne kvelden bestod av Svein-Magne, Frode, Jarle, Yakup, Frode-Per og Arceli.

Med 9 oppgaver som alle laga klarte fullstendig og 12 rebusar som alle laga løyste, og kun ei oppgave som ingen lag klarte, hadde komiteen også i år truffe ganske bra på vanskelegheitsgraden. Arrangørkomiteen mottok også ein velfortent takk og blomsterbukett fra Telesport som takk for eit flott arrangement og ein fantastisk jobb i forkant og under arrangementet. Stor takk til Beate, Asbjørn, Helge og Anja! 

Arrangørkomiteen

Dette viste seg å bli årets vanskelegaste oppgave. Ingen klarte å kome fram til Strangeplassen 12. Det er nok ikkje mange i Bergen som bruker strange eller vedstrange om ein stamme eller stokk som gjerne blir brukt til ved.

Når det blir ny rebusvandring er ikkje bestemt, men vi håper det blir også neste år! Som annonsert tidlegare er det opent for fleire personar i komiteen, så kan du tenke deg å vere med på å tenke ut oppgaver til neste år, eller bidra med praktiske ting rundt arrangementet, så er det berre å gi beskjed til styret eller ein av dei i komiteen. Og ser det gøy ut å delta, så er det berre å sette av datoen så snart den blir annonsert og melde seg på!